Unang entry.
Naging makabuluhan ang taong 2011 partikular ang buwan ng Disyembre kung saan si Alyssa ay naimbitahan na mag-audition sa Philippine High School for the Arts.
Disyembre 12 (Lunes)- Ipinadala ko via LBC ang kanyang DVD na ito ang mga nilalaman:
"A videotaped performance containing the following: from memory, do all minor and major scales until five (5) flats and sharps; perform one (1) etude; execute two contrasting movements of a sonata or concerto written for the instrument or two classical pieces - one (1) fast and one (1) slow; the performances must be videotaped inside any enclosed venue which is free from unwanted sounds; the video camera and the microphone must be 6 to 7 meters away from the applicant; a recording that has undergone electronic mixing or enhancements will not be accepted; the scores of repertoire performed (showing the complete title and name of composer according to the order of playing) must be included in the submission; in the video recording, the applicant must state the following introduction before the performances - full name and address of the school; the videotaped performances must be burned on CD in a format that can easily be viewed.
Disyembre 13 (Martes)- tumawag ang PHSA, imbitado daw si Alyssa para sa Annual Nationwide Search for Young Arts Scholars live audition sa Makiling, Los Baños, Sabado, Disyembre 17, 2011."
Ito yung isa sa mga nilalaman ng DVD:
Alyssa Playing Etude in E minor
Disyembre 15 (Huwebes) –umalis kaming dalawa ng Naga papuntang Manila. Bago pa man kami umalis, minabuti ko nang magbasa ng direksyon. Matagal na rin akong hindi nakapunta sa Los Baños. Ni hindi ko na matandaan kung saan ang papuntang Bambang. Ito ang lugar kung saan noong bata pa ako ay lagi naming pinupuntahan tuwing “summer vacation”. Pinuntahan ko muna yung bunso kong kapatid. Kailangan ko ng kasama, para kung mawala man kami, tatlo kaming mawawala.
Disyembre 16 (Biyernes) –dumating kami ng Pasay mga bandang alas kuwatro ng umaga. At dahil unang araw ng Simbang Gabi, naiba yung dinaanan ng jeep galing ng bus terminal. Ayun, sabi ko na nga ba at mawawala na naman ako.
Bandang alas dos ng hapon, sumakay kami ng bus papuntang College, Los Banos. Salamat sa google map (at dala ko pa talaga yung printed map), may ideya ako kung saan kami pupunta. Inabot ding apat na oras yung biyahe. Matraffic kasi sa may Calamba. Ngunit anong sarap sa pakiramdam nang dumating na kami sa Country Inn, Los Baños, malapit sa mga kainan (Jolibee, Mang Inasal), Robinsons, UPLB, atbp.
Next post yung karugtong….
